阿柑相命-刑剋運轉

yahoo blog 原誌日期：2007-9-10

李八方-隔牆有耳： 幫阿柑趨吉避凶                       2007-09-06 蘋果

金毛尋回犬 阿柑 俾漁護署扣留多日，經各方營救，終於有馴狗師肯收留，點知阿柑既元朗新居又可能因涉嫌擅自更改土地用途而惹官非，…….....？ 最邪係前主人俾佢咬…….......，新主又有麻煩，據講可能最快今日就送番佢去漁護署。前主人梁太得悉阿柑慘成「狗球」，激到跌低撼親頭，要入伊院留醫，總之手尾長。



玄學家： 出年就會轉

好多人慨嘆 阿柑 條命生得差，養佢既人都冇運行，八方請曉得同動物算命既周漢明師傅贈阿柑兩句，等佢可以趨吉避凶。周師傅指阿柑個名屬木，但讀音似屬金，金、木相剋，註定阿柑命途多舛，又遇上今年七煞，所以今年特別多麻煩，若然係人就官非纏身，做狗都唔得安寧，因為傷人而被困漁護署，「過咗年啦，出年就會轉運。」


周師傅又話狗唔同人，冇得擺陣轉運或者戴舊玉傍身，改回舊名阿金都冇用，最好幫佢搵個新主人，由於以前主人俾佢剋住，所以今次最好搵個洋人收養佢，「咁就人狗都平安，阿柑有機會享晚福。」

 

 

 蘋果資料圖片




李八方： 阿柑轉運有得留低                    2007-09-08 蘋果

八方早兩日搵玄學師傅幫可憐狗 阿柑 算命，師傅話阿柑今年行衰運，可能吉狗有天相， 阿柑似乎有轉運跡象。
馴狗師張松照話，阿柑冇受到可能要被送返漁護署的消息影響胃口，一日 3 餐飲奶粉、食狗罐頭同狗糧好開胃，佢又話阿柑悟性高，雖然一把年紀但都幾受教，最鍾意玩波。 狗場用地有問題，好多人擔心阿柑被迫遷，張松照透露狗場老闆好鍾意阿柑，繼續收留佢機會幾大，唔會隨便送佢返漁護署。


( 剪輯李八方資料 )



.
.